सावधान, डेल्टा प्लसचा धोका वाढतोय !

मुंबई : आज राज्यात आणखी सत्तावीस डेल्टा प्लस Delta Plus रुग्णांची नोंद झाली आहे. यामुळे राज्यातील एकूण डेल्टा प्लस रुग्णांची संख्या १०३ वर जाऊन पोहोचली आहे. राज्यात डेल्टा प्लस व्हेरियंटच्या नव्या २७ रुग्णांची नोंद करण्यात आली आहे. त्यामुळे आता येत्या काही काळात डेल्टा प्लस व्हेरियंट राज्याची चिंता वाढवणारा ठरु शकतो.

हे देखील पहा -

नव्याने सापडलेल्या 27 रुग्णांपैकी गडचिरोलीत ६, अमरावती ६, नागपूर ५, अहमदनगर ४, यवतमाळ ३, नाशिक २ आणि भंडारा जिल्ह्यातील १ रुग्ण आढळून आला आहेत. त्यानुसार, आता राज्यातील डेल्टा प्लस रुग्णांची संख्या ही १०३ इतकी झाली आहे.

डेल्टा प्लस व्हेरिएंटमुळे राज्यात आतापर्यंत ५ जणांचा मृत्यू झाला आहे. कोरोनाच्या तिसऱ्या लाटेची शक्यता वर्तवली जात असताना तीन वेगवेगळ्या प्रकारचे व्हेरिएंट आढळल्याने राज्याची चिंता वाढणार आहेत. अनेक देशांमध्ये कोरोनाचे डेल्टा व्हेरिएंट धुमाकूळ घालत आहे. सप्टेंबरमध्ये कोरोनाची तिसरी लाट येणायची शक्यता आहे.

Edited By - Shivani Tichkule