बीडच्या इतिहासात पहिल्यांदा रंगली महिला कुस्तीची आखाडा

बीड : बीडच्या इतिहासात पहिल्यांदा महिला कुस्ती आखाडा रंगला होता. यामध्ये महाराष्ट्रातून महिला पैलवानांनी सहभाग नोंदविला होता. बीडच्या छत्रपती शिवाजी महाराज क्रीडा मैदानावर पार पडलेल्या कुस्ती स्पर्धेला बीडकरांची मोठी गर्दी पाहायला मिळाली. या स्पर्धेत तब्बल 351 महिला पैलवानांनी सहभाग नोंदवला होता. पैलवान ग्रुप कडून मराठवाडा स्तरीय महिला कुस्ती स्पर्धेच आयोजन करण्यात आले होते.

हे देखील पहा-

या स्पर्धेत बीड, औरंगाबाद, उस्मानाबाद, सोलापूर, धुळे, वाशीम, हिंगोली, सातारा, यवतमाळ, भंडाऱ्यासह इतर जिल्ह्यांतील महिला मल्ल सहभागी झाले होते. त्यांना 2 लाख 51 हजार रुपयांपर्यंतची बक्षीसे देण्यात आली आहेत. तर प्रथम विजेत्याला 2 किलो चांदीची गदा देण्यात आली आहे. या स्पर्धेत औरंगाबादची पैलवान श्रुती बामणवत आणि सानिका पवार यांच्यात अंतिम लढत झाली.

यामध्ये श्रुती बामणवत विजयी झाली. श्वास रोखून धरायाला लावणारा हा सामना 18 मिनिटे चालला होता. यावेळी राष्ट्रीय पदक विजेते तथा पुण्याचे डीवायएसपी राहुल आवारे यांची प्रमुख उपस्थिती होती. विजयी श्रुती हिला 2 किलो वजनाची चांदीची गदा बक्षीस म्हणून देण्यात आली आहे.

Edited By- Digambar Jadhav