गडचिरोली-हैद्राबाद राष्ट्रीय महामार्गाजवळील गोविंदपूर येथील पर्यायी रस्ता गेला वाहून

संजय तुमराम

गडचिरोली : गडचिरोली जिल्ह्यात संततधार पाऊस सुरु असून यामुळे चामोर्शी तालुक्यातील गोविंदपूर येथे गडचिरोली-हैद्राबाद राष्ट्रीय महामार्गावरील पर्यायी रस्ता वाहून गेल्याने वाहतूक विस्कळीत झाली आहे. The alternative road at Govindpur near Gadchiroli-Hyderabad National Highway swept away

हे देखील पहा -

गडचिरोली-हैद्राबाद राष्ट्रीय महामार्गावरील या घटनेने वाहतूक ठप्प झाली आहे. या संपूर्ण मार्गाचे बांधकाम राष्ट्रीय महामार्ग प्राधिकरणाच्या माध्यमातून सुरू आहे. सुमारे 100 किमी मार्गावरील विविध ठिकाणी नाल्यांवर पर्यायी मार्ग काढून वाहतूक वळविण्यात आली आहे.

राष्ट्रीय महामार्ग क्र. 353 सी वर चामोर्शी तालुक्यातील गोविंदपूर गावाजवळ असेच एक पुलाचे बांधकाम मोठ्या नाल्यावर सुरू आहे. यामुळे वाहतुकीसाठी पर्यायी मार्गाची निर्मिती करण्यात आली होती. मात्र हा पर्यायी मार्ग वाहून गेल्याने वाहतूक ठप्प झाली आहे. पोलीस प्रशासनाने याची तातडीने दखल घेत कुनघाडा-पोटेगाव मार्गे वाहतूक वळविली आहे. पावसाने विश्रांती घेतल्याशिवाय हा मार्ग सुरळीत होण्यात अडचणी निर्माण होणार आहेत.

Edited By : Krushnarav Sathe