Beed: मजुर घेऊन चाललेला टेम्पो पलटी; एक ठार, 7 जखमी

बीड - मजूरांसह कापूस भरण्यासाठी चाललेला भरधाव वेगातील टेम्पो अचानक पलटी झाल्याने, या अपघातात टेम्पोतील 1 जण ठार तर एका 15 वर्षीय मुलाचा हात कोपरापासून तुटला असून अन्य 7 मजूर जखमी झाले आहेत. ही दुर्दैवी घटना गेवराई-माजलगाव राज्य रस्त्यावरील सुर्डी बुद्रुक येथे घडली आहे.

हे देखील पहा -

अनिल एकनाथ लव्हाळे, वय 30 रा. टाकरवण असं अपघातात मयत झालेल्या मजुराचे नाव आहे. तर गणेश कोटूळे, रमेश भोसले, जालींदर पटेकर, गोविंद लव्हाळे, बाळू लव्हाळे सर्व रा. टाकरवण जखमी झाले आहेत.

बीड जिल्हा रुग्णालयात उपचारासाठी दाखल करण्यात आले आहे. दरम्यान यापैकी 15 वर्षीय कृष्णा लव्हाळे या मजूराचा कोपरापासून हात बाजूस तुटून पडल्याने त्याची प्रकृती चिंताजनक बनल्याने, त्यास औरंगाबाद येथे पुढील उपचारासाठी हलविण्यात आले आहे.

Edited By - Shivani Tichkule