Dharashiv: धाराशिवला कडाक्‍याची थंडी; समाज विकास संस्था अन् दान उत्सव समितीने दिली वंचितांना मायेची ऊब

- बालाजी सुरवसे

Dharashiv News :

धाराशिव जिल्ह्यात गेल्या दोन दिवसांपासून थंडीचा कडाका (cold weather in dharashiv) चांगलाच वाढला आहे. थंडीमुळे संध्याकाळी नागरीकांची शहरातील तसेच गावातील वर्दळ कमी हाेऊ लागली आहे. दरम्यान थंडीने कुडकुडणाऱ्या माणसांचा शोध घेत त्यांना उमरगा येथे समाज विकास संस्था व दान उत्सव समितीच्या वतीने शाल, स्वेटर व अन्य उबदार कपड्यांचे वाटप करण्यात आले. (Maharashtra News)

धाराशिव जिल्ह्यात गेल्या दोन दिवसांपासून थंडीचा कडाका चांगलाच वाढला आहे. शनिवारी रात्री १९ डिग्री सेल्सिअस पारा घसरला आहे. रोज संध्याकाळी असणारी नागरीकांची शहर आणि गावातील वर्दळ आणि गावातील वर्दळ थंडीमुळे कमी झाल्याचे दिसत असुन थंडीपासून संरक्षणासाठी कानाला टोप्या लावुन तसेच मफलर गुंडाळून व उबदार कपडे घालून बाहेर वावरणारे लोक दिसत आहेत. तर भल्या पहाटे, सकाळी व रात्री लोक शेकोटी पेटवून ऊब घेत असल्याचे चित्र गावोगावी पाहायला मिळत आहे.

धाराशिव जिल्ह्यातील उमरगा येथे समाज विकास संस्था व दान उत्सव समिती यांच्या वतीने उमरगा शहरातील बसस्थानक,रुग्णालये व रस्त्याच्या कडेला झोपलेल्या लोकांना शाल व कपड्यांचे वाटप करण्यात आले. समितीच्या कार्यकर्त्यांनी लोकसहभागातुन या साहित्याचे वाटप केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

थंडीत कुडकुडणाऱ्या शेवटच्या माणसांचा शोध घेऊन दरवर्षी हिवाळ्यामध्ये संस्थेच्या वतीने हा उपक्रम राबविला जातो. कपड्याच्या दानाचा महोत्सव व्हावा, विचाराचा महोत्सव व्हावा, अन्नदानाचा महोत्सव व्हावा म्हणून समाज विकास संस्था शेवटच्या माणसांचा शोध घेत कार्य करीत आहे असे मत यावेळी संस्थेच्या पदाधिकाऱ्यांनी व्यक्त केले.

Edited By : Siddharth Latkar