स्वाभिमानी संभाजी ब्रिगेडच्या प्रदेशाध्यक्षाचे महिले सोबत गैरवर्तन

नांदेड -  स्वाभिमानी संभाजी ब्रिगेडच्या प्रदेशाध्यक्षाने एका महिलेसोबत गैरवर्तन केल्याचा धक्कादायक प्रकार नांदेड Nanded मध्ये घडला आहे. काल रात्री नांदेडच्या ग्रामीण पोलीस ठाण्यात Police Station कलम 509 प्रमाणे गुन्हा दाखल करण्यात आला आहे.  माधव देवसरकर Madhav Devasarkar महिलेशी गैरवर्तन करणाऱ्यांचे नाव आहे. माधव देवसरकरने सिडको भागातील एका मित्राच्या पत्नीला डोळा मारणे, फेसबुक फ्रेंड रिक्वेस्ट वारंवार पाठवून गैरवर्तन केले.

हे देखील पहा -

पतीच्या माध्यमातून देवसरकरला यांना सांगून देखील गैरवर्तन थांबले नाही. त्यामुळे ग्रामीण पोलिसात याबाबाद तक्रार दिली. मात्र देवसरकर हे संघटनेचे प्रदेशाध्यक्ष असल्याने पोलिसांनी हे प्रकरण तपासावर ठेवले होते. दोन दिवसांपूर्वी पिडीत महिलेने आणि पतीने घडलेली संपुर्ण हकीकत पत्रकारांसमोर कथन केली.

या प्रकरणाची वाच्यता होऊ लागल्याने पोलिसांनी अखेर  माधव देवसरकर यांच्यावर 509 प्रमाणे गुन्हा दाखल केला. दरम्यान, सध्या महिलांवरील अत्याचारांच्या घटनांमुळे राज्य चर्चेत असताना. नांदेड मध्ये स्वाभिमानी संभाजी ब्रिगेडच्या प्रदेशाध्यक्षाने केलेल्या गैरवर्तनामुळे महिलेंच्या  सुरक्षेचा प्रश्न ऐरणीवर आला आहे.

Edited By - Shivani Tichkule