गुटखा प्रकरण भाेवलं; 'डीबी' चे सहा पाेलीस कर्मचारी निलंबित

अकोला : अमरावती (amravati) येथील आयजीच्या पथकाने अकोल्यात (akola) येऊन गुटख्यावर कारवाई केल्याने याचा ठपका अकोल्यातील जुने शहर पोलिसांवर ठेवत जिल्हा पोलिस अधीक्षक जी श्रीधर यांनी बिट जमादारसह संपूर्ण डीबी पथकातील कर्मचाऱ्यांना निलंबित केले आहे. या कारवाईमुळे अकोला पोलिसांत (akola police) एकच खळबळ उडाली आहे. (akola latest marathi news)

अमरावती परिक्षेत्राचे विशेष पोलीस महानिरीक्षक चंद्रकिशोर मीना यांच्या विशेष पथकाने तीन दिवसांपूर्वी अकोल्यातील बिझनेस सेंटर येथे एका ट्रकमधून तब्बल ४० लाखाचा गुटखा जप्त केला होता. यावेळी तीन ते चार जण घटनास्थळावरून फरार झाले होते. याप्रकरणी जुने शहर पोलीस स्टेशनमध्ये गुन्हा दाखल करण्यात आला होता.

दरम्यान या प्रकरणात जुने शहर डीबी स्कॉडने कसुरी केल्यामुळे पथकातील सहा पोलीस कर्मचाऱ्यांना निलंबित केले आहे. यासोबत जुने शहर ठाणेदार, एलसीबी प्रमुख आणि जिल्हा पोलिस अधीक्षक पथक यांचाही कसुरी अहवाल वरिष्ठांकडे पाठवण्यात आला आहे. दरम्यान या कारवाईमुळे अकोला पोलिसांत एकच खळबळ उडाली आहे.

Edited By : Siddharth Latkar