पंढरपूर : पतीच्या निधनाचे दुःख सहन न झाल्यामुळे पत्नीने सोलापूरात रेल्वे खाली उडी घेवून आत्महत्या केल्याची धक्कादायक घटना समोर आली आहे. मृत पती पत्नी दोघेही मंगळवेढा तालुक्यातील शरद नगर येथील आहेत.
हे देखील पहा :
आप्पासो रावसाहेब कोरे (वय.38 ), अनुसया आप्पासो कोरे ( वय.33 ) असं मृत पती-पत्नीचे नाव आहे. गेल्या आठ दिवसापूर्वी आप्पासो कोरे यांना निमोनिया सदृश्य आजार झाल्यामुळे सोलापूर येथील खासगी रुग्णालयात दाखल केले होते. उपचारा दरम्यान त्यांचे आज पहाटे 5 च्या सुमारास निधन झाले. पतीच्या निधनाचा धक्का पत्नी अनुसया यांना सहन न झाल्यामुळे त्यांनी सोलापूर-पुणे या रेल्वे मार्गावर जाऊन रेल्वे खाली उडी मारून आत्महत्या केली.
पतीच्या उपचारा दरम्यान झालेला खर्च व पतीला वाचण्यात आलेले अपयश या कारणांनी व भविष्यातील जगण्याचा आधार हरपल्यामुळे मानसिक धक्का सहन न झाल्याने पतीबरोबर पत्नीने जगाचा निरोप घेतला. कोरे दाम्पत्याला एक पाच वर्षाचा मुलगा असून या घटनेमुळे तालुक्यात हळहळ व्यक्त केली जात आहे. या घटनेचा अधिक तपास पोलीस अधिकारी प्रल्हाद चव्हाण हे करीत आहेत.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.