सोलापूर : सोलापूर ग्रामीणच्या पोलिस अधीक्षक तेजस्वी सातपुते यांना महामहिम राज्यपाल भगतसिंह कोश्‍यारी यांच्या हस्ते 'नवभारत गव्हर्नन्स अवॉर्ड'ने गौरविण्यात आले आहे. काल मुंबईतील राजभवनात सायंकाळी पाच वाजता हा पुरस्कार सोहळा पार पडला, राज्यपाल कोश्‍यारी यांच्या हस्ते तर राज्याचे गृहमंत्री दिलीप वळसे-पाटील यांच्या प्रमुख उपस्थितीत महाराष्ट्रातील प्रशासकीय अधिकाऱ्यांना पुरस्काराने गौरविण्यात आले आहे.
हे देखील पहा :
त्यात सोलापूर जिल्ह्यातून पोलिस अधीक्षक तेजस्वी सातपुते यांच्यासह जिल्हाधिकारी मिलिंद शंभरकर यांचाही समावेश आहे. तेजस्वी सातपुते यांनी ऑक्‍टोबर 2020 मध्ये सोलापूर जिल्ह्याच्या एसपी म्हणून पदभार स्वीकारला होता.
कोरोनाच्या दुसऱ्या लॉकडाउनमध्ये जिल्ह्यात पोलिस प्रशासनाने अतिशय उत्तम काम केले. स्वतः तेजस्वी सातपुते या कोरोनाबाधित झाल्या; मात्र 'वर्क फ्रॉम होम'द्वारे त्यांनी शासकीय सेवा सुरूच ठेवली होती. सोलापूर जिल्ह्यात काम करताना पोलिस अधीक्षक तेजस्वी सातपुते यांच्या 'ऑपरेशन परिवर्तन'ने अनेकांना अवैध धंद्यांपासून दूर करून चांगल्या व्यवसायाकडे वळवले, याची राज्यभरात चर्चा आहे.
Edited By : Krushnarav Sathe
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.