Breaking News : सोलापुरात अग्नीतांडव; यंत्रमाग कारखान्याला लागली भीषण आग

Solapur Fire News : सोलापूर (Solapur) जिल्ह्यात आगीची मोठी दुर्घटना घडली आहे. सोलापूरमध्ये यंत्रमाग कारखान्याला भीषण आग लागली आहे. चादर आणि टॉवेल निर्मिती करणाऱ्या भीषण आग लागल्याची प्राथमिक माहिती समोर आली आहे. या घटनेत सुदैवाने कोणतीही जीवितहानी झालेली नाही. अग्निशमन दलाच्या जवानाकडून आग (Fire) विझविण्याचे शर्थीचे प्रयत्न सुरू आहेत. (Latest Marathi News)

मिळालेल्या माहितीनुसार, सोलापूरच्या चादर आणि टॉवेल निर्मिती करणाऱ्या कारखान्याला भीषण आग लागल्याची घटना घडली आहे. सोलापुरातील (Solapur) निलम नगर भागातील यंत्रमाग कारखान्याला आग (Fire) लागल्याची घटना घडली आहे. कारखान्यातील सर्व मशीन आणि कच्चा माल आगीच्या भक्ष्यस्थानी गेल्याची माहिती केली आहे.

कारखान्यातील कामगार वेळीच बाहेर पडल्याने त्यांना कोणतीही इजा झाली नाही. आतापर्यंत अग्निशमन दलाचे ७ ते ८ अग्नीबंब घटनास्थळी दाखल झाले आहेत. अग्निशमन दलाच्या जवानांकडून आग विझविण्याचा युद्ध पातळीवर प्रयत्न सुरू आहेत. उद्या सकाळपर्यंत आग आटोक्यात येण्याची शक्यता अग्निशमन दलाने वर्तवली आहे. या दुर्घटनेत कारखान्याचे मोठ्या प्रमाणात नुकसान झाले आहे.