सोलापूर महानगरपालिकेच्या (Solapur Muncipal Corporation) वतीने 'माझी वसुंधरा अभियान' अंतर्गत एक लाख वृक्ष लागवड मोहीमेचे आयोजन करण्यात आले होते. त्या माध्यमातून प्रभाग क्रमांक पाच मधील देगाव रोड येथे 43 एकर जागेवर गटनेता आनंद चंदनशिवे यांच्या भांडवली निधीतून वीस हजार वृक्ष लागवडीचा कार्यक्रम पालकमंत्री दत्‍तामामा भरणे यांच्या हस्ते पार पडला. या कार्यक्रमात आनंद चंदनशिवे यांनी पालकमंत्र्यांचे भरभरुन तोंडभरुन कौतुक केलं आहे.
त्यानंतर पालकमंत्रा दत्ता भरणे यांनी बोलायला सुरुवात केली. महापौरांशी बोलताना दत्ता भरणेंची जिभ घसरली आणि म्हणाले "मुख्यमंत्र्यांचं जाऊद्या मरू द्या, आपल्या निधीतून गार्डन तयार करू" या विधानाने सोलापुरमध्ये चर्चा सुरु झाली आहे.
दरम्यान, त्यानंतर पालकमंत्री दत्ता भरणे यांनी दिलगिरी व्यक्त केली आहे. मुख्यमंत्र्यांविषयीचे विधान अवधानाने तोंडून निघावे असे दत्ता भरणे म्हणाले आहेत. त्याचा विपर्यास करु नये असे सांगत मंत्री भरणे यांनी दिलगिरी व्यक्त करत असल्याचा व्हिडियो व्हायरल झाला आहे.
Edited By: Pravin Dhamale
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.