Solapur Breaking News: सोलापूर जिल्ह्यात काही ठिकाणी भूकंपाचे सौम्य धक्के

सोलापूर: सोलापूर (Solapur) जिल्ह्यातील काही ठिकाणी भूकंपाचे सौम्य धक्के बसले. आज, शनिवारी सकाळी ६. २२ वाजता काही ठिकाणी सौम्य धक्के जाणवले. या वृत्ताला सोलापूर जिल्हा प्रशासनाने दुजोरा दिला आहे.

मिळालेल्या माहितीनुसार, सोलापूर जिल्ह्यातील काही भागांत आज, शनिवारी सकाळी ६.२२ वाजता भूकंपाचे सौम्य धक्के जाणवले. यामुळे नागरिकांमध्ये भीतीचे वातावरण होते. कर्नाटकातील विजापूरपासून १० किलोमीटरवर भूकंपाचा केंद्रबिंदू असल्याची माहिती मिळते. त्याठिकाणी भूकंपाची तीव्रता रिक्टर स्केलवर ४.६ इतकी नोंदवली गेली.

सोलापूर (Solapur) जिल्ह्यातील काही भागांत भूकंपाचे सौम्य धक्के जाणवल्याची माहिती होती. नागरिकांमध्ये भीतीचं वातावरण होते. याबाबतच्या वृत्ताला सोलापूर जिल्हा प्रशासनानेही दुजोरा दिला आहे.

मंगळवेढा तालुक्यातील काही गावांत हादरे

मंगळवेढा तालुक्यातील काही गावांमध्ये आज सकाळी भूकंपाचे सौम्य धक्के जाणवले. येथील काही ग्रामस्थांनी ही माहिती दिली. यामुळे नागरिकांमध्ये भीतीचे वातावरण होते. स्थानिक प्रशासनानेही या वृत्ताला दुजोरा दिला आहे.