सोलापूर : बाइक चोरीच्या गुन्ह्याचा तपास करताना चोरलेली बाइक आणि मोबाइल विकण्यासाठी संशयित आरोपी (Solapur) सोलापुरातील नवी पेठेत येणार असल्याची टीप पोलिसांना (Police) मिळाली. यानंतर सापळा लावून त्याला अटक करण्यात आली. सुरुवातीला एक बाइक आणि दहा मोबाइल मिळाले. अधिक तपास केला असता तब्बल १५ दुचाकी मिळाल्या. सखोल तपासानंतर आरोपीसह मुद्देमाल जप्त करण्यात आला. (Live Marathi News)
फौजदार चावडी पोलिस ठाण्याच्या गुन्हे प्रकटीकरण पथकाने ही कारवाई केली. फौजदार चावडी पोलिस ठाण्यात दाखल झालेल्या बाइक चोरीला गेल्याच्या गुन्ह्याचा तपास करताना गुन्हे प्रकटीकरण पथकाला गुप्त बातमीदारामार्फत एक व्यक्ती जी. एम. चौकमार्गे नवी पेठत चोरीची मोटारसायकल आणि मोबाइल विक्रीकरिता येणार असल्याची पक्की खबर पोलिसांना मिळाली. यानंतर पोलिसांनी घटनास्थळी सापळा लावला.
पोलिसांनी सापळा रचल्‍यानंतर संशयिताला ताब्यात घेतले. अविनाश आसवे असं ताब्यात घेण्यात आलेल्या संशयिताचे नाव आहे. त्याच्याकडे चोरीची मोटारसायकल आणि १० चोरीचे मोबाईल आढळून आले. पोलिसांनी हा सर्व मुद्देमाल जप्त केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
