Barshi Vidhan Sabha : बार्शीचे अपक्ष आमदार भाजपच्या तिकिटावर उतरणार मैदानात; महायुतीच्या जागा वाटपपूर्वीच ठोकला दावा

बार्शी (सोलापूर) : बार्शीचे अपक्ष आमदार राजेंद्र राऊत यांनी यंदाची विधानसभा निवडणूक भाजपकडून लढणार असल्याची घोषणा केली आहे. राजेंद्र राऊत हे बार्शीचे अपक्ष आमदार आहेत. विशेष म्हणजे महायुतीकडून निवडणुकीसाठी जागा वाटप होण्यापूर्वीच राजेंद्र राऊत यांनी जागेवर दावा ठोकला आहे. 

गेल्या पंच वार्षिक विधानसभा निवडणुकीत (Vidhan Sabha Election) बार्शीची जागा शिवसेनेच्या वाट्याला गेली होती. यामुळे राजेंद्र राऊत यांनी बंड पुकारला होता. यात त्यांनी विजय मिळवत अपक्ष आमदार म्हणून निवडून आले. मात्र यंदा महायुतीचे जागावाटप होण्या अगोदरच राजेंद्र राऊत यांनी बार्शी विधानसभेवर दावा केला आहे. राजेंद्र राऊत यांचा शिवसेना, काँग्रेस, शिवसेना आणि भाजप (BJP) असा राजकीय प्रवास राहिला आहे. मराठा आरक्षणासाठी राज्य सरकारने विशेष अधिवेशन बोलवावं; या मागणीसाठी राजेंद्र राऊत यांनी बेमुदत ठिय्या आंदोलन केल होतं.

दरम्यान उपमुख्यमंत्री देवेंद्र फडणवीस यांचे अत्यंत विश्वासू सहकारी म्हणून आमदार राजेंद्र राऊत यांची ओळख आहे. भाजप आणि महायुती सरकारकडून बार्शी विधानसभा मतदारसंघासाठी मोठ्या प्रमाणात निधी मिळाल्याने हा निर्णय घेतल्याचं स्पष्टीकरण राजेंद्र राऊत यांनी दिलं आहे. मात्र, महायुती अगोदरच भाजपकडून या मतदारसंघावार दावा केल्याने याचे परिणाम काय होणार? हे पाहणे महत्वाचे ठरणार आहे.