Solapur News : सोलापूर महापालिकेच्या अतिक्रमण विभागाने शहरात सराफ कट्टा, मंगळवार पेठेतील मधला मारुती या परिसरात धडक कारवाई केली. यामुळे व्यापा-यांनी आस्थापनांचे नुकसान झाल्याचा दावा करीत आज अतिक्रमण विभागाच्या कारवाईच्या निषेधार्थ बंद पुकारला आहे. त्यामुळे नागरिकांची मोठी गैरसोय झाली आहे. (Maharashtra News)
सोलापूर महापालिकेच्या अतिक्रमण विभागाच्या पथकाने गेल्या दाेन दिवसांत शहरातील विविध ठिकाणी अतिक्रमणांवर हाताेडा चालविला आहे. सोमवारी शहरातील नई जिंदगी परिसरात सोलापूर महापालिकेच्या अतिक्रमण विभागाने मोठी कारवाई केली. सुमारे २५ फुटपेक्षा जास्त उंचीच्या अनाधिकृत बांधकामांना लक्ष केले.
या कारवाईमुळे नई जिंदगी परिसरातील मुख्य रस्त्याने माेकळा श्वास घेतल्याचे दिसून आले. मंगळवारी महापालिकेच्या अतिक्रमण विभागाने सराफ कट्टा, मंगळवार पेठेतील मधला मारुती या परिसरात धडक कारवाई केली. काही ठिकाणी जेसीबीच्या साह्याने अतिक्रमण काढण्यात आले. या कारवाईप्रसंगी पाेलिसांचा बंदाेबस्त हाेता.
दरम्यान अतिक्रमण विभागाच्या कारवाईमुळे आमच्या आस्थापनांचे नुकसान झाल्याचा दावा व्यापा-यांनी केला. या कारवाईचा निषेध नाेंदविण्यासाठी आज (बुधवार) व्यापा-यांनी बाजारपेठ बंद ठेवली. या बंदमुळे सराफ कट्टा, मंगळवार पेठेतील मधला मारुती परिसरात आज शुकशुकाट हाेता.
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.