संतापजनक! तथाकथित मौलाने केला चिमुकलीचा विनयभंग

अकोला - सात वर्षांच्या चिमुकलीचा विनयभंग केल्याप्रकरणी जुने शहर पोलिसांनी अटक करून त्याला न्यायालयात हजर केले. न्यायालयाने त्याची कोठडीत रवानगी केली आहे. या घृणास्पद घटनेने परिसरात एकच खळबळ उडाली आहे. जुने शहर पोलीस ठाणे अंतर्गत येणाऱ्या मोडकेवाडी परिसरातील रहिवासी मोहम्मद रिजवान अब्दुल शकुर 26 याने त्याच भागातील 7 वर्षीय चिमुकलीला थांबून शुक्रवारी सायंकाळी साडेपाच वाजता तिला जवळ घेतले.

हे देखील पहा -

'तू कुठल्या मदरशात शिक्षण घेते', असे विचारणा करून तिच्या अंगाला स्पर्श करून हात धरून बळजबरी करण्याचा प्रयत्न केला. चिमुकलीने आरडाओरडा केल्यानंतर तिची आई, वडील आणि काकांनी जुने शहर पोलीस ठाण्यात तक्रार दाखल केली. पोलिसांनी मोहम्मद रिजवान अब्दुल शकुर याच्याविरुद्ध भादवि कलम 354 तसेच पास्को एक्ट नुसार गुन्हा दाखल करून त्याला अटक केली.

तसेच न्यायालयात हजर केले असता न्यायालयाने त्यास न्यायालयीन कोठडीत ठेवण्याचे आदेश बजाविले. ही कारवाई ठाणेदार सेवानंद वानखडे यांच्या मार्गदर्शनाखाली करण्यात आली. विशेष म्हणजे, मोहम्मद रिजवान अब्दुल शकुर हा तथाकथित मौलाना असल्याचे पोलिसांनी सांगितले असून तो एका साप्ताहिकाचा पत्रकार असल्याचे ही पोलिसांनी सांगितले आहे. दरम्यान, या प्रकारामुळे परिसरात एकच खळबळ उडाली आहे.

Edited By - Shivani Tichkule