Sikandar Shaikh : भूम कुस्ती स्पर्धेत सिकंदर शेखची बाजी, भोला पंजाबीवर मात

- बालाजी सुरवसे

Dharashiv News :

भूम येथे झालेल्या कुस्ती स्पर्धेत महाराष्ट्र केसरी विजेता सिकंदर शेख (maharashtra kesari sikandar shaikh) विरूद्ध पंजाब केसरी भोला पंजाबी (punjab kesari bhola panjabi) यांच्यात झालेल्या कुस्तीत सिकंदर शेख याने बाजी मारली. सिकंदर शेख यास पाच लाख रुपयांचे बक्षीस देण्यात आले. (Maharashtra News)

धाराशिव जिल्ह्यातील भूम येथे माजी नगराध्यक्ष संजय गाढवे यांच्या वतीने कुस्ती स्पर्धेचे आयोजन करण्यात आले होते. या कुस्ती स्पर्धेला मोठा प्रतिसाद मिळाला. आरोग्यमंत्री डॉ. तानाजी सावंत (Dr. Tanaji Sawant) यांच्या हस्ते या स्पर्धेचे उद्घाटन करण्यात झाले. कुस्ती स्पर्धेसाठी देशभरातील नामांकित मल्ल सहभागी झाले होते.

दरम्यान या स्पर्धेमध्ये महाराष्ट्र केसरी विजेता सिकंदर शेख विरूद्ध पंजाब केसरी भोला पंजाबी यांच्या कुस्ती झाली. यामध्ये सिकंदर शेख यांनी पाच लाखांचे बक्षीस पटकावले. दरम्यान यामध्ये २१ लाख रुपयांची बक्षिसे ठेवण्यात आली होती.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar