Beed News: धक्कादायक! मृत पावलेल्या महिलेच्या गळ्यातील एक तोळे सोनं चोरीला, जिल्हा रुग्णालयामधील प्रकार

योगेश काशिद, साम प्रतिनिधी

बीड जिल्हा रुग्णालयात धक्कादायक घटना उघडकीस आलीय. एका मृत महिलेच्या अंगावरील सोनं चोरीला गेल्याची घटना घडलीय. सुमनबाई जगन्नाथ घिगे, असं मृत महिलेचं नाव आहे. बीड तालुक्यातील सोनगाव येथील सुमनबाई जगन्नाथ घिगे यांच्या छातीमध्ये अचानक दुखू लागल्याने त्यांना जिल्हा रुग्णालयामध्ये दाखल करण्यात आले आहे. घिगे ह्यांना अति दक्षता विभागामध्ये दाखल करण्यात आले होते. मात्र उपचारादरम्यान त्यांचा मृत्यू झाला. त्यांच्या मृत्यूनंतर त्यांच्या गळ्यातील एक तोळे सोनं चोरीला गेले.

बेशुद्ध रुग्णाच्या अंगावर चढल्या मुंग्या

हिंगणघाटच्या उपजिल्हा रुग्णालयात असाच एक धक्कादायक प्रकार काही दिवसांपूर्वीच समोर आला होता. बेशुद्ध रुग्णाच्या अंगावर मुंग्याचं चढल्याचा धक्कादायक प्रकार घडला होता. शस्त्रक्रिया कक्षातून बाहेर आणल्यानंतर रुग्णाला आंतररुग्ण वॉर्डात दाखल करण्यात आले होते. यावेळी रुग्ण शुद्धीवर नव्हता. या रुग्णाच्या शरीरावर काहीच वेळात मोठ्या प्रमाणात मुंग्या चढल्या होत्या.

शस्त्रक्रियेनंतर या रुग्णाला पुरुष आंतररुग्ण वॉर्डामध्ये दाखल करण्यात आले. तेथे काही वेळातच त्याच्या अंगावर मुंग्या चढल्या. ही बाब लक्षात आल्यानंतर त्याच्या सोबतच्या मित्राने याची माहिती वॉर्डमधील उपस्थित कर्मचाऱ्याला दिली. त्यानंतर रुग्णाला शस्त्रक्रिया कक्षात नेऊन पुन्हा तपासणी करण्यात आली.

मुंग्या काढून टाकल्यानंतर रुग्णाची स्वच्छता करण्यात आली होती. नुकतीच शस्त्रक्रिया झालेल्या रुग्णाचे शरीरावर मुंग्यांचा मोठ्या प्रमाणात प्रकोप झाल्याच्या घटनेने रुग्णालयाच्या स्वच्छतेवर तसेच रुग्णांच्या काळजीवर प्रश्नचिन्ह उपस्थित केले जात आहेत.