धक्कादायक! तलावात शेकडो माशांचा मृत्यु...

अभिजीत घोरमारे

भंडारा -  तलावात पाणी दूषित होऊन शेकडो मासे Fish मृत्युमुखी Death पडल्याची धक्कादायक घटना भंडारा Bhandara जिल्ह्याच्या लाखनी तालुक्यातील पालांदूर परिसरात घडली आहे. सोबत या तलावातून मोठ्या प्रमाणात टाकाऊ औषधे Medicine व इंजेक्शन Vaccine बाहेर पडत असून विषबाधेने माशांचा मृत्यु झाल्याचा अंदाज वर्तवण्यात येत आहे. यात मत्स्य उत्पादन घेणाऱ्या मासेमारांचे लाखो रूपयांचे नुकसान झाले आहे.

हे देखील पहा -

सानगाव येथील तलावात दानगीर बाबा मत्स्यपालन केंद्राकडून मत्स्य पालन केले जाते. परंतु काल पासुन अचानक या तलावाचे मासे एका मागे  एक शेकडो माशांचामृत्यू झाला आहे ह्याची माहिती होताच गावकऱ्यांनी एकच धाव तलावाकडे घेतली. विशेष म्हणजे या सोबत तलावातून मोठ्या प्रमाणात टाकाऊ औषधे व इंजेक्शन बाहेर पडत असल्याने विषबाधेने माशांचा मृत्यु झाल्याचा अंदाज वर्तवण्यात  येत आहे.

ह्याची माहिती पालांदुर पशुवैद्यकीय अधिकारी यांना देण्यात आली असून पशुवैद्यकीय दवाखान्यात मृत माशांचे नमूने तपासणीसाठी नेण्यात आले आहे. तर पालांदुर घटनेचे गांभीर्य  लक्षात घेत घटनास्थळी पाहणी करत पाण्यात विषाक्त पदार्थ तर टाकला नाही याचा शोध घेऊन पंचनामा केला आहे. यात मत्स्य उत्पादन घेणाऱ्या मासेमारांचे लाखो रूपयांचे नुकसान झाले असून नुकसान भरपाई देण्याची मागणी जोर धरू लागली आहे.