Shiv Sena News : 7 दिवस मृत्यूशी झुंज... अखेर प्राण ज्याेत मालवली, शिवसैनिकांत शाेककळा; काॅंग्रेस कार्यकर्त्यासह सहा जण पाेलिस काेठडीत

- संजय सूर्यवंशी

Nanded News : शिवसैनिक श्रीकांत पाठक (shivsainik shrikant pathak) यांची अखेर मृत्यूशी झुंज आज (शुक्रवार) संपली. सकाळी पाठक यांचा एका खासगी रुग्णालयात मृत्यू झाल्याची बातमी त्यांच्या निकटवर्तीयांनी दिली. (Maharashtra News)

नांदेड (nanded) शहरातील सोमेश कॉलनी भागातील स्वामी समर्थ मंदिराच्या एका कार्यक्रमाच्या होर्डिंगवरून शिवसैनिक श्रीकांत पाठक यांच्यावर काही दिवसांपुर्वी प्राणघातक हल्ला झाला हाेता. रात्री साडेअकराच्या सुमारास घटना घडल्यानंतर गंभीर जखमी झालेल्या श्रीकांत पाठक यांना खासगी रुग्णालयात उपचारार्थ दाखल केले गेले.

या प्राणघातक हल्ल्यानंतर गेली सात दिवस मृत्यूशी सुरू असलेली पाठक यांची झुंज संपली. त्यांचा मृत्यू झाल्याचे वृत्त शिवसैनिकांत पसरले. त्यामुळे शिवसैनिकांवर शाेककळा पसरली. दरम्यान या हल्ल्याप्रकरणी काँग्रेसचे सुनील शर्मांसह सहा जण सध्या पोलीस कोठडीत आहेत.

Edited By : Siddharth Latkar