Sharad pawar News: गेल्या ६ महिन्यांपूर्वी मोठा गाजावाजा करत बीआरएसमध्ये प्रवेश केलेले बीआरएस समन्वयक शिवराज बांगर यांनी बीआरएस ही भाजपची बी टीम आहे. त्यांनी राज्यात प्रवेश घेण्यासाठी जवळपास ८ दलाल एजंट नेमले असल्याचा गंभीर आरोप करत पक्ष सोडत असल्याचे जाहीर केले आहे. विशेष म्हणजे काही दिवसांपूर्वी शरद पवार यांच्यासोबत शिवराज बांगर यांच्यासह बबन गीते यांची बैठक झाली होती. (Latest Marathi News)
शिवराज बांगर राजीनामा देताना म्हणाले, 'बीआरएसने राष्ट्रवादी काँग्रेस, शिवसेना आणि काँग्रेसमधील अस्वस्थ मंडळींना गळ घालण्यासाठी काही एजंट नेमले आहेत. एजंट हे आर्थिक आणि राजकीय आमिष दाखवून त्यांचे प्रवेश घडवून आणत आहेत. प्रवेश देताना वेगळी भूमिका आणि प्रवेश दिल्यानंतर वेगळी भूमिका असे बीआरएसचे धोरण आहे'.
'काही दिवसाचा अनुभव आल्यानंतर आमचा भ्रमनिरास झाला आहे. महाराष्ट्रातील जनतेवर ही वेळ येऊ नये म्हणून आम्ही वेळीच सर्वांना सावध करणार आहोत, असेही शिवराज बांगर हे यावेळी म्हणाले. दरम्यान, शिवराज बांगर यांच्यानंतर आता धाराशिवमधील काही पदाधिकारीही बीआरएसला सोडचिट्टी देण्याच्या तयारीत असल्याची चर्चा आहे.
दरम्यान, अजित पवार गटाचे नेते मंत्री धनंजय मुंडे यांची डोकेदुखी आता वाढणार असल्याची चर्चा झाली आहे . राष्ट्रवादीचे अध्यक्ष शरद पवार यांनी आता थेट परळीत पर्याय उभा करायला हालचाली सुरू केल्या आहेत. परळीच्या पंचायत समितीचे माजी सभापतीसह बीआरएसच्या अनेक नेत्यांचा बीडमध्ये उद्या होणाऱ्या जाहीर सभेत प्रवेश होणार असल्याची माहिती हाती आली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.