सातारा : उदयनराजेंनी (udayanraje bhosale) माझ्याबद्दल मी छत्रपतींचा (chhatrapati shivaji maharaj) विचाराचा आहे का हे ठरवण्याचा अधिकार त्यांना कोणी दिला आहे. उदयनराजे थोर विचारवंत आहेत काय? इतिहासकार आहेत का? उदयनराजे जर छत्रपतींच्या विचाराने चालणारे आहेत तर लोकसभेला (loksabha election) तुमचा पराभव का झाला आणि त्याच विधानसभेच्या निवडणुकीत मी निवडून का आलो याचे उत्तर उदयनराजेंनी द्यावे असे आव्हान आमदार शिवेंद्रसिंहराजे भाेसले (shivendraraje bhosale) यांनी (satara) राजेंना दिले आहे. (udayanraje bhosale latest marathi news)
खासदार उदयनराजे यांनी जावळी तालुक्यातील एका कार्यक्रमात आमदार शिवेंद्रराजे यांचे नाव न घेता त्यांच्यावर कारखान्यातील भ्रष्टाचाराच्या बाबत गंभीर आरोप करताना छत्रपती घराण्याचा वारसा सांगताना शिवाजी महाराजांचे आचार-विचार आचरणात आणून जोपासले पाहिजेत अशी अपेक्षा देखील त्यांनी व्यक्त केली हाेती.
त्यास आमदार शिवेंद्रसिंहराजेंनी प्रत्युत्तर दिले आहे. ते म्हणाले रात्रीचं उशिरा गाड्या फिरवायचा आणि त्यामध्ये मोठ्या आवाजात गाणी लावून गावातून फिरायचं हे उदयनराजे यांच्या दृष्टीने छत्रपतींचे विचार आहेत का?
आपण जसे यात्रेमध्ये डोंबाऱ्याचा खेळ बघतो तसा उदयनराजे यांच्या वाढदिवसाला देखील एक डोंबाऱ्याचा खेळ आपण बघितला असेही शिवेंद्रराजेंनी नमूद केले. ते म्हणाले आपण कोण आहोत, आपण राज्यसभेचे खासदार आहोत, आपण काय करतो याचा कुठेतरी आपण भान ठेवले पाहिजे अशी अपेक्षाही त्यांनी व्यक्त केली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
