Shiv Sena SC Case Live : एकनाथ शिंदेंची नियुक्ती पक्षाच्या घटनेनुसारच झाली, मग अचानक 2018 ची घटना लोकशाहीविरोधी कशी ठरली?

ज्येष्ठ वकील कपिल सिब्बल :

एकनाथ शिंदे यांची नियुक्ती पक्षाच्या घटनेनुसारच (Party Constitution) करण्यात आली होती. मग अचानक ते १९९९ च्या घटनेबद्दल बोलू लागतात आणि २०१८ मधील सुधारित घटना ही लोकशाहीविरोधी होती, असा शोध लावला जातो?

निवडणूक आयोगाचा हा निर्णय पाहता पक्षाची नोंदणी रद्द करणे (De-register) हाच एकमेव पर्याय उरतो, हे मान्य करण्यासारखे आहे. मी त्याच मुद्द्याकडे येत होतो. निवडणूक आयोग स्वतः म्हणतो की, 'होय, मी ते मान्य करतो, पण मी तरी यात काय करू शकतो?'

ज्येष्ठ वकील कपिल सिब्बल :

निवडणूक आयोगाने (ECI) निर्णय देताना 'जनता दल' वादातील पूर्वीच्या निर्णयाचा संदर्भ दिला आहे. परिच्छेद २८ पाहा. त्यात अर्जदार गट हा जॉर्ज फर्नांडिस यांचा होता. त्यावेळी एस. आर. बोम्मई हे पक्षाचे अध्यक्ष असणे बंद झालेले नव्हते, ही गोष्ट तिथे स्पष्ट नमूद करण्यात आली होती. निवडणूक आयोगाने त्यावेळी असे म्हटले होते की अर्जदार गटासाठी असा दावा करणे आता खूप उशीर झाला आहे... हा निर्णय थेट आमच्या प्रकरणाशी जुळणारा (लागू होणारा) आहे. निवडणूक आयोग त्यावरच अवलंबून आहे, परंतु निकाल मात्र आमच्याविरोधात दिला आहे."

न्यायमूर्ती बागची: आम्हाला घटना ज्या क्रमाने घडत गेल्या, ते पाहावे लागेल.

कपिल सिब्बल: तीच कसोटी (टेस्ट) प्रत्यक्षात फेटाळण्यात आली आहे. हे मी सिद्ध करून दाखवतो. तो (जनता दलाचा) निर्णय संघटनात्मक बहुमतावर आधारित होता.

ठाकरे गटाकडून कपिल सिब्बल आज युक्तिवाद करणार आहेत. आमदार अपात्रेवर सिब्बल आज युक्तिवाद करणार आहे. त्यांचा आज युक्तिवाद संपल्यानंतर शिंदेंच्या शिवसेनेकडूनही आज युक्तिवाद होईल, अशी शक्यता आहे.

सर्वोच्च न्यायालयात सुनावणीला सुरूवात झाली आहे. ठाकरेंकडून कपिल सिब्बल युक्तिवाद करत आहेत. आज त्यांचा युक्तिवाद पूर्ण होणार असल्याचे समजतेय. त्यानंतर शिंदेंच्या वकिलांकडून युक्तिवाद केला जाईल.

शिवसेना कुणाची? धनुष्यबाण कुणाचा? यावर आज पुन्हा एकदा सुनावणी होणार आहे. ठाकरेंकडून कपिल सिब्बल आज पुन्हा युक्तिवाद करणार आहेत. त्यांचा आज युक्तिवाद संपणार आहे. त्यानंतर शिंदेंच्या वकिलांकडून युक्तिवाद होणार आहे.