Crime: पेट्रोल पंपावर कोयत्याचा धाक दाखवत दरोडा; घटना सीसीटिव्ही कॅमेरात कैद

शिरूर : शिरुर येथील पाषाण मळा येथे श्री शिवसाई फ्युल स्टेशन इंडियन ऑईल कंपनीच्या पेट्रोल पंपावर चार अनोळखी इसमांनी कोयत्याचा धाक दाखवत दरोडा (Robbery) टाकला. मारहाण करत ४९ हजार ४०० रूपय व मोबाईल लंपास करत दरोडा टाकला. दरम्यान पुणे- नगर महामार्गावरील पेट्रोल पंपावर दहशत करणारी हि कोयता गँग (CCTV) सीसीटीव्ही कँमेरात कैद झाली. (Breaking Marathi News)

शनिवारी पहाटेच्या सुमारास पेट्रोल पंपावर दुचाकीवरुन पेट्रोल (Petrol) भरण्यासाठी आले. यावेळी कोयता हातात घेऊन शिवीगाळ करण्यास सुरुवात केली. तर एका कामगाराला मारहाण ४९ हजार ४०० रूपये व मोबाईल असा एकुण ५४ हजार ४०० रुपयांचा माल लांबविला.

सीसीटिव्ही कॅमेरात कैद

पेट्रोल पंपावर दहशत करत दरोडा टाकल्‍याचा हा सर्व प्रकार सीसीटीव्ही कॅमेरात कैद झाला आहे. या सीसीटीव्‍ही फुटेजच्‍या आधारावरून दरोडेखोरांचा तपास पोलिस करत आहेत. तसेच अज्ञात चार जणांविरोधात शिरुर पोलीसांत गुन्हा दाखल करण्यात आला आहे.