ठाकरेसेनेचे नेते अंबादास दानवेंनी ही इच्छा व्यक्त केल्यानंतर अवघ्या ४ तासांत शिंदेसेनेचे आमदार अब्दुल सत्तार यांनी काय विधान केलंय ते आता ऐका...शिंदेसेनेचे आमदार असलेल्या सत्तारांनी भाजपविरोधात ही उद्वीग्न प्रतिक्रिया दिल्यानंतर दुसऱ्या दिवशी म्हणजे २ जून २०२६ सकाळी १० वाजता राऊतांची शिंदेसेनेच्या नेत्यांना ही थेट ऑफर....24 तासांतल्या या सर्व घडामोडी झाल्यानंतर राज्याच्या राजकारणात सर्वांच्याच भुवया उंचावतील अशी आणखी एक घटना घडली आणि ती म्हणजे भर रस्त्यावर जाहीरपणे ठाकरेसेनेचे नेते अंबदास दानवे आणि शिंदेसेनेचे आमदार अब्दुल सत्तार यांची ही गळाभेट...
विधानपरिषदेच्या निवडणुकीत महायुतीत झालेल्या बंडखोरीने आधीच टेन्शन वाढलंय. त्यातच शिंदेंच्या नेत्याचा भाजपवरचा थेट आरोप आणि ठाकरे गटाची ही खुल्ली ऑफर महाराष्ट्रात मोठ्या राजकीय भूकंपाचे संकेत देत आहे. ४ वर्षांपूर्वी, म्हणजेच २० जून २०२२ ला राज्यसभेच्या निवडणुकीच्या दिवशीच शिंदेंनी बंड केलं होतं. आता पुन्हा विधान परिषदेच्या निवडणुकीच्या तोंडावर दुरावलेले नेते ठाकरेंच्या सोबतीला परतणार का? कारण राजकारणातील भेटीगाठी कधीच योगायोगानं नसतात.
आणि राजकारणात टायमिंगलाही मोठं महत्त्व असतं. म्हणूनच सत्तारांची नाराजी दूर करण्यासाठी मुख्यमंत्री आणि उपमुख्यमंत्र्यांनी तातडीने हालचाली सुरू केल्याची चर्चा आहे. ठाकरेसेनेच्या या हालचालींमुळे शिंदेंपुढे आपल्या नेत्यांना सोबत ठेवण्याचं मोठं आव्हान आहे. राजकारणात कुणीही कायमचा शत्रू आणि मित्र नसतो. त्यामुळेच की काय उद्धव ठाकरेंनीही बेरजेच्या राजकारणाला सुरूवात तर केली नाही ना अशी चर्चा आता रंगलीय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.