Nashik News: ठाकरे गटाच्या पोस्टरवर शिंदे गटाचे खासदार हेमंत गोडसे, नाशकात राजकीय चर्चांना उधाण

नाशिक : राजकारणात कधी काय होईल याचा काही नेम नाही. राज्यातील राजकारण तर प्रचंड अस्थिर आहे. त्यामुळे आज एका पक्षात असलेला नेता दुसऱ्या दिवशी वेगळ्या पक्षात दिसला तर कुणालाही नवल वाटणार नाही.

शिवसेनेच्या (Shivsena) ठाकरे गटात अशीच काहीशी स्थिती आहे. मात्र नाशिकमध्ये ठाकरे गटाच्या विकासकामाचं उद्घाटन शिंदे गटाचे खासदार हेमंत गोडसे यांच्या हस्ते झालं. (Latest Marathi News)

ठाकरे गटाच्या माजी शिवसेना नगरसेविका हर्षदा गायकर यांच्या विकासकामांचे उद्घाटन शिंदे गटाच्या खासदार हेमंत गोडसे यांच्या हस्ते पार पडलं आहे. उद्घाटन सोहळ्याच्या होर्डिंग्जवर ठाकरे गटाच्या मशाल चिन्हासह शिवसेना पदाधिकाऱ्यांचे फोटो देखील आहेत.

या विकासकामांचे उद्घाटन मात्र शिंदे गटाचे खासदार हेमंत गोडसे यांच्या हस्ते झालं आहे ठाकरे गटाच्या माजी नगरसेविकेने शिंदे गटाच्या खासदाराला उद्घाटनाला बोलवल्याने शहरात राजकीय चर्चांना उधाण आलं आहे.