Bagad Yatra Bavdhan : बावधन बगाड यात्रेचा बगाड्या ठरला

Satara :

सातारा जिल्ह्यातील वाई तालुक्यातील बावधन येथील प्रसिद्ध बगाड यात्रेचा यावर्षीचा बगाड्या होण्याचा मान शेलारवाडी येथील विकास तानाजी नवले यांना मिळाला आहे. येत्या (शनिवारी ता. 30 मार्च) ही बगाड यात्रा असल्याची माहिती संयाेजकांनी दिली. (Maharashtra News)

दरवर्षीप्रमाणे यावर्षीही मोठ्या उत्साहात साताऱ्यातील वाई तालुक्यातील बावधनची बगाड यात्रा येत्या शनिवारी (ता. 30 मार्च) पार पडणार आहे. होळी पौर्णिमेच्या दिवशी रात्री १२ वाजता देवाला कौल लाऊन या यात्रेतील बगाड्या होण्याचा मान ठरविला जातो.

यावर्षी शेलारवाडी बावधन येथील विकास तानाजी नवले यांना हा मान मिळाला आहे. काळभैरवनाथ यांना नवस केला होता तो पूर्णत्वास गेल्यामुळे नवसपूर्ती करण्यासाठी यावर्षीचा मान नवले यांना मिळाला आहे. त्याबाबतची माहिती नवले यांनी साम टीव्हीशी बाेलताना दिली. बावधन बगाड यात्रेला मोठ्या संख्येने महाराष्ट्रातून भाविक हजेरी लावत असतात.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar