नाशिकमध्ये मंदिरे उघडण्यासाठी रामकुंडावर शंखनाद आंदोलन

नाशिक - राज्यातील मंदिरं Temple भाविकांना दर्शनासाठी खुली करण्यात यावी, या मागणीसाठी भाजपने BJP पुन्हा एकदा राज्यव्यापी शंखनाद आंदोलनाची हाक दिली आहे. नाशिकमध्येही Nashik रामकुंडावर Ramkund भाजप आध्यात्मिक आघाडीचे प्रदेशाध्यक्ष आचार्य तुषार भोसले Tushar Bhosle यांच्या नेतृत्वाखाली शंखनाद आंदोलन करण्यात येत आहे. राज्यात सर्व काही अनलॉक होत असतांना मंदिरं मात्र अजूनही दर्शनासाठी बंद आहेत.

अनलॉक दरम्यान एकीकडे सर्व दुकानं, हॉटेल, रेस्टॉरंट, बार, वाईन शॉप खुली झालेली असतांना राज्यभरातली मंदिरं मात्र अद्याप कुलूपबंद आहेत. त्यामुळे मंदिरं उघडण्याच्या मागणीसाठी भाजपने पुन्हा एकदा एल्गार पुकारला आहे. राज्यात ठिकठिकाणी मंदिरं भाविकांना दर्शनासाठी खुली करण्यात यावी, या मागणीसाठी हे शंखनाद आंदोलन करण्यात येत आहे.

हे देखील पहा -

मंदिर हम खुलवायेंगे, धर्मको न्याय दिलायेंगे अशी हाक देत भाजप आध्यात्मिक आघाडीच्या वतीने राज्यव्यापी शंखनाद आंदोलनाची हाक दिली आहे. कोरोना उद्रेकामुळे जावपासपास गेल्या दोन वर्षांपासून राज्यातील सर्वच प्रमुख मंदिरे बंद आहेत. त्याविरोधात रणशिंग फुंकण्यासाठी भाजप आध्यात्मिक आघाडी तर्फे आज रामकुंडावर शंखनाद आंदोलन होणार असल्याची माहिती तुषार भोसले यांनी दिली.

या वेळी नागरिकांसह साधू, संत, विविध मंदिराचे पुजारी उपस्थित राहून राज्य शासनाचा निषेध करणार आहे. राज्य सरकारने मॉल, बार सुरू करण्यास परवानगी दिली परंतु मंदिरं उघडण्याबाबत चालढकल चालविली आहे. याविरोधात राज्यव्यापी शंखनाद आंदोलनाची हाक दिल्याचे आघाडीचे अध्यक्ष तुषार भोसले यांनी सांगितले.

Edited By - Shivani Tichkule