नीट परीक्षेविरोधात एसएफआयची निदर्शने

बीड: विद्यार्थ्यांसोबत भेदभाव करणारी नीट परीक्षा रद्द करा, या मागणीसाठी नीट परीक्षेविरोधात आज देशव्यापी आंदोलनाची हाक देण्यात आली होती. त्याचाच एक भाग म्हणून बीडच्या जिल्हाधिकारी कार्यालयासमोर एसएफआयच्या वतीने निदर्शने करण्यात आली आहेत. यावेळी विद्यार्थ्यांनी जोरदार घोषणाबाजी करून आपल्या मागण्यांकडे लक्ष वेधले आहे. (SFI protests against neet examination)

हे देखील पहा -

विद्यार्थ्यांसोबत भेदभाव करणारी नीट परीक्षा रद्द करा, विद्यार्थी विरोधी नवीन शैक्षणिक धोरण रद्द करा, शिक्षणावर होणाऱ्या एकूण खर्चामध्ये वाढ करा. यासह इतर पाच मागण्यांसाठी ही निदर्शने आज करण्यात आली आहेत. राज्य सरकारने या मागण्यांचा राज्य पातळीवर विचार करावा, अन्यथा येत्या काळात विद्यार्थ्यांसह पालकांचा मंत्रालयावर धडक मोर्चा काढण्यात येईल असा इशारा यावेळी एसएफआयच्या वतीने देण्यात आला आहे.

Edited By - Akshay Baisane