Yavatmal Water Supply News : यवतमाळकरांना मिळतेय आठ दिवसातून एकदाच पाणी, जाणून घ्या निळाेणासह चाेपडा धरणाचा पाणीसाठा

- संजय राठाेड

यवतमाळ जिल्ह्यातील तीन मोठे, सात मध्यम आणि 65 लघु प्रकल्पात आज रोजी केवळ 37.61 टक्केच जलसाठा शिल्लक आहे. त्यातच तापमानाचा पारा ही चांगलाच वाढत आहे. त्यामुळे आगामी काळात यवतमाळ जिल्ह्यात पाणीटंचाईचे संकट गडद होण्याची दाट शक्यता वर्तविली जात आहेत. (Maharashtra News)

यवतमाळ शहराची जीवनवाहिनी म्हणून निळोणा धरणाची ओळख आहे. शहराला निळोणा सोबतच चापडो प्रकल्पातून पाणीपुरवठा होतो. निळोणा धरणात 81.80 % तर चापडो प्रकल्पात 55.54 % पाणीसाठा आहे. यामुळे प्रशासन सातत्याने पाणीसाठ्यावर लक्ष ठेवून आहे.

शहरातील बहुतांश भागात पूर्वी दोन ते तीन दिवसात होणारा पाणीपुरवठा गत काही दिवसांपासून आठ ते दहा दिवसात होत असल्याची ओरड आहे. पाणी वेळेत मिळत नसल्याने हाॅटेलसह छाेट्या माेठ्या व्यावसायिकांचे देखील आर्थिक नुकसान हाेत आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar