Mahableshwar Accident News: महाबळेश्वरच्या दरीत अपघातग्रस्तांच्या किंचाळ्या, आक्राेश सुरु; बुलढाणा, अकाेल्यातील मजूर

Mahableshwar Accident News : महाबळेश्वरातील मुकदेव घाटात आज (शनिवार) सकाळच्या प्रहरी सुमारे 40 कामगारांसह ट्रक दरीत काेसळला. या अपघाताची माहिती कळताच पाेलिसांसह महाबळेश्वर ट्रेकर्सचे जवान घटनास्थळी रवाना झाले. काही अपघातग्रस्तांना सह्याद्री ट्रेकर्सच्या जवानांसह ग्रामस्थांनी जखमींना रुग्णालयात पाठविले. या अपघातात तीस कामगारांसह दाेन जण गंभीर जखमी झाले आहेत.

या ट्रकमधील जखमींमध्ये लहान मुलांचा समावेश आहे. काही जखमींना तळदेव येथे तर काहींना महाबळेश्वर ग्रामीण रुग्णालयात उपचारासाठी दाखल करण्यात आले आहे. अपघातामधील दोन गंभीर जखमी लहान मुलांना सातारा येथे पाठविण्यात येणार आहे.

मुकदेव गावानजीक तीव्र उतारावर हा अपघात झाला. या अपघातात जखमी झालेले कामगार हे बुलढाणा (buldhana) व अकोला (akola) भागातील आहेत. सुमारे 40 कामगार या अपघातात जखमी झाले आहेत. एकेक अपघातग्रस्तांस दरीतून बाहेर काढण्याचे काम सुरु करण्यात आले आहे. (Maharashtra News)

हा अपघात (accident) झाला त्यावेळी परिसरात प्रवाशांच्या किंचाळ्यांचा आवाज आला. अपघतानंतर काही कामगारांचा आक्राेश सुरु हाेता. ग्रामस्थ अपघातग्रस्तांना दिलासा देत रुग्णालयात (hospital) पाठवित आहेत.

Edited By : Siddharth Latkar