Beed: धारूर घाटात अपघातांची मालिका; साखर घेऊन जाणारा ट्रक पलटला!

विनोद जिरे

खामगाव -पंढरपूर राष्ट्रीय महामार्गावरील बीडच्या धारूर घाटात, साखर घेऊन जाणारा ट्रक अवघड वळणावर सुरक्षा कठडा तोडून उलटला आहे. लिंबाच्या झाडाला अडकल्याने 200 ते तीनशे फूट खोल दरीत पडण्यापासून वाचला.

हे देखील पहा-

सुदैवाने ट्रकमधील चालक व वाहक बालबाल बचावले आहेत. रस्त्याचे काम अरूंद असल्याने या ठिकाणी वारंवार अपघात होत आहेत. दोन दिवसांपूर्वीच सिमेंट घेऊन जाणारा टँकर खोल दरीत कोसळून चालकाचा मृत्यू झाला होता.

घाटात वारंवार अपघात होत असताना, ही प्रशासन व लोकप्रतिनिधीचे दुर्लक्षामुळं संताप व्यक्त केला जात आहे. दरम्यान वाहन धारकांमध्ये भिती निर्माण झाली आहे असून घाटातील अरुंद रस्ता आणखी किती बळी घेणार आहे ? असा प्रश्न नागरिक उपस्थित करत आहेत.

Edited By-Sanika Gade