School Update : बीड जिल्ह्यातील शाळांमध्ये पुन्हा घुमणार चिमुकल्यांचा किलबिलाट!

बीड : बीड जिल्ह्यात पुन्हा एकदा शाळांमध्ये चिमुकल्यांचा किलबिलाट गुंजणार आहे. येणाऱ्या सोमवारपासून बीड (Beed) जिल्ह्यातील पहिली ते आठवीपर्यंतच्या सर्वच शाळा 100% क्षमतेने सुरू होणार आहेत. असे आदेश जिल्हाधिकारी राधाबिनोद शर्मा यांनी संबंधित शिक्षणाधिकाऱ्यांना दिले आहेत.

हे देखील पहा :

कोरोनाच्या (Corona) तिसऱ्या लाटेच्या पार्श्‍वभूमीवर, जिल्ह्यातील सर्वच शाळा (School), महाविद्यालये (Colleges) बंद करण्यात आली होती. मात्र, त्यांनतर आठवी ते बारावी पर्यंतचे वर्ग आणि महाविद्यालय सुरू करण्यास परवानगी देण्यात आली होती. तर 1 ली ते 8 वी पर्यतच्या शाळा बंद होत्या. मात्र, आता बंद असणाऱ्या शाळा पुन्हा एकदा उघडणार असून चिमुकल्यांचा किलबिलाट पुन्हा एकदा पाहायला मिळणार आहे.

दरम्यान, जिल्हा परिषदेच्या (ZP School) 2 हजार 480 शाळा आणि इतर अशा एकूण जवळपास साडेतीन हजार शाळा सोमवारपासून सुरू होणार आहेत. यावेळी कोरोनाचे सर्व नियम पाळून शाळा सुरू कराव्यात.अशा सूचना सर्वांना देण्यात आल्या आहेत. अशी माहिती शिक्षणाधिकारी अजय बहिर यांनी दिली आहे.

Edited By : Krushnarav Sathe