'साताऱ्यातील डॉक्टर महिलेचे आरोप मोघम, अत्याचाराचा पुरावा काय?' PSI बदनेच्या वकिलांनी कोर्टात काय युक्तिवाद केला?

सातारा डॉक्टर महिलेच्या मृत्यू प्रकरणी दोन्ही आरोपींना पोलिसांनी अटक केली आहे. या प्रकरणातील आरोपी पोलीस उपनिरीक्षक गोपाळ बदने याला दुपारी सुनावणीसाठी कोर्टात हजर केलं. कोर्टाने आरोपी पोलीस उपनिरीक्षक गोपाळ बदनेला ५ दिवसांची पोलीस कोठडी सुनावली. आरोपी बदनेला ३० तारखेपर्यंत पोलीस कोठडी सुनावली आहे. यावेळी आरोपी बदनेच्या वकिलांनी कोर्टात युक्तिवाद केला. 'पीडित महिलेचे आरोप मोघम असल्याचा युक्तिवाद आरोपीच्या वकिलांनी केला.

पोलीस उपनिरीक्षक बदने रात्री फटलणच्या ग्रामीण पोलीस स्टेशनला स्वत:हून हजर झाला. त्यानंतर त्याला अटक करण्यात आली. आज आरोपीला फलटणमध्ये न्यायालयात हजर केले. यावेळी आरोपीचे वकील राहुल धायगुडे यांनी कोर्टात युक्तिवाद केला की, 'आरोपीच्या वकिलांकडून युक्तिवाद करताना मृत डॉक्टर तरुणीने तिच्यावर कुठे-कुठे कोण कोणत्या ठिकाणावर बलात्कार झाला हे नमूद केले नाही. हे आरोप पोलीस अधिकारी बदने आणि डॉक्टर तरुणीसोबत असणार्‍या वादातून मृत तरुणीने केले आहेत . मृत डॉक्टर महिलेचे आरोप मोघम आहेत, त्याला कोणताही पुरावा नाही'.

तर सरकारी वकीलांनी युक्तिवाद करताना म्हटलं की, सर्वोच्च न्यायालयाचे निर्देश सांगत म्हटलं की, मरणारा व्यक्ती कधी खोटे बोलत नसतो असा युक्तिवाद केला. त्यामुळे यात पोलिसांना तपासासाठी वेळ मिळणे गरजेचे असल्याचे युक्तिवाद केला आहे.

सातारा डॉक्टर महिलेच्या मृत्यू प्रकरणात एसआयटी स्थापन करण्याची मागणी

डॉक्टर आत्महत्या प्रकरणात महिला आयपीएस अधिकाऱ्यांची नेमणूक करावी. तसेच एसआयटी स्थापन करण्यात यावी, अशी मागणी आमदार सुरेश धस यांनी केली. स्वतः डॉक्टर आत्महत्या प्रकरणी मुख्यमंत्री देवेंद्र फडणवीस यांची भेट घेऊन विशेष मागणी करणार असल्याचं त्यांनी स्पष्ट केलं होतं.