Sanjay Raut News: ...तर राज्यात शिंदेंचं भाडोत्री सैन्य राज्य करेल; संजय राऊतांचा हल्लाबोल

ठाकरे गटाचे खासदार संजय राऊत यांची शिंदे गटावर जोरदार टीका केली आहे.
Sanjay Raut News
Sanjay Raut News Saam tv
Published On

Sanjay Raut news: 'रशियाचे राष्ट्राध्यक्ष पुतीन यांनी देशात भाडोत्री सैन्य नेले होते. भाडोत्री सैन्यावर राज्य करण्याची वेळ येते, तेव्हा भाडोत्री उलटतात. राज्यातही भाडोत्री सैन्य राज्य करतील. शिंदे यांचे सैन्य हे भाडोत्री सैन्य आहे, असा हल्लाबोल ठाकरे गटाचे खासदार संजय राऊत यांनी केला आहे. (Latest Marathi News)

रशियामध्ये वॅगनर या भाडोत्री सैन्याने केलेल्या बंडामुळे युद्धजन्य परिस्थिती निर्माण झाली होती. आता वॅगनर ग्रुपच्या प्रमुखांनी आपल्या सैन्याला मागे घेण्याचे आदेश देण्यात आले आहे . रशियाच्या या स्थितीवरून सातारा दौऱ्यावर असलेल्या संजय राऊत यांनी राज्याच्या राजकारणावर भाष्य केलं.

Sanjay Raut News
Pune News : 'व्वा रे व्वा विखे पाटील!', लाचखोर IAS अनिल रामोडची बदली रोखण्यासाठी मुख्यमंत्र्यांना केलेली शिफारस, अंबादास दानवेंनी पत्र केलं ट्वीट

मंत्री शंभूराज देसाई यांच्यावर टीका करताना संजय राऊत म्हणाले, 'देशात लोकशाही आहे, राजेशाही नाही. त्यांचा हा अहंकार वाढायला नको. मी म्हणजे... हा अहंकार वाढायला लागतो, तेव्हा त्यांना लोक घरी पाठवतात. ती वेळ आली आहे. मी म्हणजे मालक हे दिल्लीत चालले नाही, ते गल्लीत काय चालणार, असा टोला राऊत यांनी शंभूराज देसाई यांना लगावला.

राऊत पुढे म्हणाले, 'शंभूराज देसाई हे ज्याचा वारसा सांगतात. त्या बाळासाहेब देसाई यांना लोकनेते का म्हणतात याचा अभ्यास करावा.या बालक पालक यांनी अभ्यास करावा. आता तुम्ही पराभूत होणार आहात. ही लोकशाही आहे'.

'आम्ही महाविकास आघाडीच्या माध्यमातून निवडणुका लढणार. प्रसंगी सत्तेतून खाली खेचण्यासाठी पाहिजे ते करू. ज्या ठिकाणी शिवसेना जिंकली, त्या ठिकाणी महाविकास आघाडीच्या माध्यमातून शिवसेना लढेल. देवाण घेवाण होऊ शकते, असे राऊत म्हणाले.

Sanjay Raut News
Eknath Sinde on Mumbai Rain: पहिल्याच पावसात मुंबईची झाली तुंबई; CM शिंदे म्हणातायत, पाणी साचलं ही तक्रार का करता?

' बाळासाहेब देसाई आणि बाळासाहेब ठाकरे यांचे चांगले संबंध होते. त्यांच्या नातवाने शेण खाल्ले हे विसरून जावा. लोकनेते बाळासाहेब देसाई यांचा सन्मान झाला पाहिजे, असे राऊत पुढे म्हणाले.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com