शहादा शहरात 'माझी वसुंधरा' उपक्रमाअंतर्गत स्वच्छता अभियान...

नंदुरबार: केंद्र व राज्य शासनाच्या वतीने आयोजित 'माझी वसुंधरा' उपक्रमांतर्गत शहादा शहरात स्वच्छता अभियान राबविण्यात आले.‌ यावेळी शहरातील शिवाजी चौकापासुन ते जुने पोलीस स्टेशनपर्यंत साफसफाई करण्यात आली. (Sanitation campaign under 'Majhi Vasundhara' initiative in Shahada city)

हे देखील पहा -

दिवाळीनिमित्त शहरातील नागरिकांनी शहादा शहर स्वच्छ ठेवण्याचा संकल्प करावा जेणेकरून रोगराई टाळता येईल व शहर स्वच्छ राहिल्यास नागरिकांचे आरोग्य चांगले राहण्यास मदत होईल असे आव्हान संकल्प ग्रुपच्या वतीने करण्यात आले. या साफसफाई अभियानात शहादा नगरपरिषदेचे साफसफाई कर्मचारी, शहरातील सजग नागरिक व संकल्प ग्रुपचे सदस्य यांनी हिरीरीने भाग घेऊन शहादा शहर स्वच्छ करण्यासाठी सहभाग नोंदवला. या अभियाना अंतर्गत वृक्षलागवडही करण्यात आली. तसेच प्लास्टिकचा वापर टाळून पर्यावरणाचा समतोल राखून वृक्षलागवड व स्वच्छता मोहिमेची शपथ संकल्प ग्रुपच्या वतीने देण्यात आली.

Edited By - Akshay Baisane