Sangli News: सांगलीमध्ये आज वादळी वाऱ्यासह पावसानं थैमान घातलं. सायंकाळी आलेल्या या पावसाने धामणी रोडवरील ऐश्वर्या मंगलकार्यालयात भिंत कोसळून एकाचा मृत्यू झाल्याची घटना घडली, तर 6 जण जखमी झाले आहेत. जखमींमध्ये दोन महिलांचा समावेश आहे. सर्व जखमींना सांगली जिल्हा रुग्णालयात उपचारासाठी दाखल करण्यात आले आहे.
धामणी रोडवरील ऐश्वर्या मंगल कार्यालयमध्ये आज लग्न समारंभ आयोजित करण्यात आला होता. या ठिकाणी लग्न सोहळा आटोपल्यानतंर केटरिंगचे कर्मचारी आपले काम आटोपून घरी जात असताना अचानक वादळी वाऱ्यासह पावसाने हजेरी लावली. त्यामुळे हे सर्व जण जेवणाच्या हॉलमध्ये थांबली होते. परंतु तेवढ्यात पावसामुले तेथील भिंत कोसळली आणि त्याखाली काही जण अडकले. या घटनेत एकाचा मृत्यू झाला आहे.
सांगलीला मुसळधार पावसानं झोडपलं
सांगली जिल्ह्याला आज मुसळधार पावसाने झोडपून काढले. जिल्ह्यातील अनेक भागाला तळ्याचे स्वरूप आले होते. वादळी वाऱ्यासह झालेल्या मुसळधार पावसामुळे झाडे उन्मळून पडल्याने अनेक दुकानं आणि वाहनांचंही नुकसान झालं. पहिल्याच अवकाळी पावसाने सांगली आणि मिरजेच्या जनतेची तारांबळ उडाली. (Latest Political News)
आज सकाळपासून वातावरणात प्रचंड उष्मा होता. त्यामुळे सांगलीकर हैराण झाले होते. त्यातच दिवसभर वातावरण ढगाळ असल्याने सायंकाळी पाऊस बरसणार अशी शक्यता होती. सायंकाळी 5 वाजता अवकाळी पावसाने हजेरी लावत सर्वांना चिंब भिजवले. तसेच वादळी वाऱ्याने अनेक ठिकाणी झाडे उन्मळून पडली. मध्यवर्ती बस स्थानकात झाडं उन्मळून एका पान टपरीवर पडल्याने मोठे नुकसान झाले. याचबरोबर सांगलीत अनेक ठिकाणी पाण्याचे डोह साचल्याने या पाण्यातून वाहन धारकांना वाहने काढावी लागली. (Latest Marathi News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
