महात्मा गांधी जयंती दिनी ६ हातभट्टी दारूचे अड्डे उद्धवस्त

सांगली : सांगली जिल्ह्यातील कवठेमहांकाळ तालुक्यातील ढालगाव आणि चुडेखिंडी हद्दीत उत्पादन शुल्क आणि कवठेमहांकाळ पोलिस यांनी संयुक्तरित्या माेहिम राबवत ६ हातभट्ट्या उध्वस्त केल्या. यामध्ये त्यांनी ७४ हजार सातशे पन्नास रुपये किमतीची दारु आणि साहित्य जप्त करीत त्याची विल्हेवाट लावली.

गेल्या काही दिवसांपासून ढालगाव आणि चुडेखिंडी भागात हातभट्ट्या दारू काढण्यात येत होती. त्याची चोरुन विक्री केली जात असल्याची खात्रीशिर माहिती खब-यांच्या माध्यमातून पोलिसांना आणि उत्पादन शुल्क विभागास मिळाली.

त्यानुसार महात्मा गांधी यांच्या जयंती दिनीच उत्पादन शुल्क व कवठेमहांकाळ पोलिसांनी संयुक्तरित्या मोहिम राबविली. या माेहिमे अंतर्गत एकुण दारुच्या ६ हातभट्ट्या उध्वस्त करण्यात आल्या. यामध्ये ३ हजार ४५ लिटर रसायन, ५३ लिटर हातभट्टीची तयार दारु असे मिळून ७४ हजार सातशे पन्नास रुपये किमतीचे साहित्य जप्त करुन त्याची विल्हेवाट लावण्यात आली sangli police busted illegal liquor drum.

edited by : siddharth latkar