Sangli Crime: छेड काढणे पडले चांगलेच महागात; तरुणाला चोप देत तरुणीने नेले पोलिसात 

सांगली : रस्त्यावरून जाणाऱ्या मुलीची छेड काढणे तरुणाला चांगलेच महागात पडले आहे. छेड काढणाऱ्या तरुणाची धुलाई करत कॉलरला धरून तरुणी (Police) पोलीस स्टेशनला घेऊन गेली. हा प्रकार सांगली (Samgli) जिल्ह्यातील मिरजमध्ये घडला आहे. (maharashtra News)

रस्त्यावरून जाणाऱ्या मुलींची रोडरोमिओंकडून छेड काढण्याचे प्रकार नेहमीच घडत असता. काही मुली घाबरून जातात. तर काहीजणी हिमतीने सामोरे जात तरुणांना उत्तर देत असतात. असाच प्रकार (Miraj) मिरज शहरात घडला आहे. सकाळी रस्त्याने जात असलेल्या तरुणीची एका तरुणाने छेड काढल्याचा प्रकार घडला. (Crime News) यानंतर तरुणीने भर रस्त्यावर मारहाण करत पोलिस स्टेशनपर्यंत (Miraj Police) धिंड काढल्याने सर्वत्र चर्चेला उधाण आले होते. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कॉलर पकडून नेले पोलीस स्टेशनला 

सदर तरुण हा चायनीज गाड्यावरील कामगार असून भर रस्त्यावरून कॉलरला पकडून पोलिस स्टेशनपर्यंत तरुणाची धिंड काढत पोलिसांच्या ताब्यात देण्यात आले. हा सर्व प्रकार रस्त्यावरील दुकानांच्यावर लावण्यात आलेल्या सीसीटीव्हीमध्ये कैद‌ झाला आहे. मिरज शहर पोलीस ठाणे येथे सदर प्रकरणाची अद्याप तरी नोंद झाली नसल्याचे समजते. परंतु या घटनेने टवाळखोर तरुणाच्यावर या घटनेने जबर वचक बसणार.