Jayant Patil ED Inquiry: ईडी चौकशीसाठी हजर राहण्यासाठी मुदत मागणार; जयंत पाटील

सांगली : आयएल आणि एफएस (IL & FS) प्रकरणी राष्ट्रवादीचे प्रदेशाध्यक्ष जयंत पाटील (Jayant Patil) यांना ईडीकडून (ED) नोटीस पाठवण्यात आली आहे. त्‍यांना सोमवारी चौकशीसाठी हजर राहण्याचे आदेश नोटीशीतून देण्यात आले होते. मात्र जवळच्या नातेवाइकांचे दोन दिवसांत लग्न समारंभ असल्याने चौकशीसाठी हजर राहू शकत नाही आणि त्यामुळे चौकशीसाठी वेळ वाढवून मिळावा; याबाबतचे पत्र जयंत पाटील यांनी ईडीला पाठवून चौकशीसाठी मुदत वाढवून मागणार आहेत. (Live Marathi News)

दरम्यान जयंत पाटील यांच्याशी संबंधित काही संस्थांना आयएल अँड एफएस प्रकरणातील काही आरोपी कंपन्यांनी कमिशन रक्कम दिल्याचा आरोप ईडीने केला आहे. याच व्यवहारांबद्दल जयंत पाटील यांची चौकशी करून त्यांचे जबाब नोंदवले जातील.

मात्र या नोटीसवर प्रतिक्रिया देताना जयंत पाटील यांनी ज्या आयएल अँड एफएस कंपनीच्या प्रकरणात ईडीने नोटीस बजावली आहे. त्या कंपनीसोबत माझा रुपयाचाही व्यवहार नाही. जिथे काही देणे- घेणेच नाही, तिथे नोटीस काढली जाते. ईडी का नोटीस काढते हे सगळ्या देशाला माहीत आहे; अशी प्रतिक्रिया जयंत पाटील यांनी माध्यमांशी बोलताना दिली होती.