सांगली: मंगळवेढा तालुक्यातील माराेळी येथील सांगलीच्या जतच्या जाडरबाेबलाद येथील वनक्षेत्रात दाेघा भावांसह तिघांवर सशस्त्र हल्ला करण्यात आलाय. तलवारीने वार करत हात-पाय ताेडण्यात आले. जंगलात दबा धरुन बसलेल्या हल्लेखाेरांनी भावकीतील अंतर्गत वाद आणि शेतजमिनीवरुन सुरु असलेल्या संघर्षातून हा हल्ला केल्याची माहिती समाेर येत आहे (Sangli Attack On Three By Sword Due To Land Dispute).
सांगलीतील (Sangli) मंगळवेढा तालुक्यातील माराेळी आणि जत तालुक्यातील जाडरबाेबलाद दरम्यान वन विभागाचं क्षेत्र आहे. जंगल असल्याने नेहमीच हा परिसर निर्जन असताे. जाडरबाेबलाद येथील बरुर भावकीमध्ये गेल्या काही दिवसांपासून वाद सुरु आहे. रविवारी विठ्ठल बरुर, दयानंद बरुर आणि महादेव बरुर हे तिघे एकाच दुचाकीवरुन जाडरबोबलाद जवळच असणाऱ्या नंदूर येथे एका नातेवाईकाच्या अंत्यविधीसाठी गेले हाेते.
अंत्यविधी आटाेपून परत येत असताना वनक्षेत्रात दबा धरुन बसलेल्या हल्लेखोरांनी अचानक त्यांना अडवून त्यांच्यावर तलवारीने हल्ला (Attack) चढवला. त्यामध्ये तिघेही गंभीर जखमी झाले आहेत. त्यांना तात्काळ जत ग्रामीण रुग्णालयात प्राथमिक उपचार करुन मिरज येथील शासकीय रुग्णालयात पाठविण्यात आले आहे.
या घटनेची माहिती मिळताच उमदी आणि मंगळवेढा पोलीस घटनास्थळी दाखल झाले. तर हल्लेखाेरांचा जखमींबरोबर मागील काही दिवसांपासून जमिनीवरुन वाद (Land Dispute) सुरु असून आठ दिवसांपूर्वीही त्यांच्यात शेतात नांगर लावण्याच्या कारणावरुन वाद झाला होता. याच कारणावरुन ही घटना घडली असावी असा अंदाज पाेलिसांनी व्यक्त केला.
Edited By - Nupur Uppal
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
