Jat Crime News: सांगलीच्या जतमध्ये खुनाची मलिका सुरूच आहे. 15 दिवसांपूर्वी एक हत्या झाल्याचे समोर आले होते. ही घटना ताजी असतानाच आणखी एकाची निर्घृण हत्या झाल्याचा प्रकार घडला आहे. जत शहरा पासून काही अंतरावर असलेल्या यल्लमा रोडजवळ एका तरुणाची गळा चिरुन आणि दगडाने ठेचून निर्घृण हत्या करण्यात आली आहे. या घटनेने परिसरात खळबळ माजली आहे.. (Latest Marathi News)
याबाबत समोर आलेल्या माहितीनुसार, शशिकांत बिरा मदने (वय 28) असे मृत तरुणाचे नाव असून घरापासून काही अंतरावर शेतात रक्ताच्या थारोळ्यात त्याचा मृतदेह आढळून आला. सकाळी हा खुनाचा प्रकार उघडकीस आल्यानंतर जत शहरात एकचं खळबळ उडाली. घटनेची माहिती मिळताच जत पोलिसांनी धाव घेत पंचनामा करून मृतदेह शवविच्छेदन करण्यासाठी पाठवून दिला आहे..शशिकांत मदने हा ट्रॅक्टर चालक असून, या खुनाचे कारण अद्याप अस्पष्ट आहे.
दरम्यान, गेल्या काही दिवसांपासून जत शहरात मोठ्या हत्येच्या घटना समोर आल्या आहेत. काही दिवसांपूर्वी कोसारी येथे दोघा जणांची हत्या झाली होती. त्या पाठोपाठ जत शहरामध्ये भाजपचे माजी नगरसेवक विजय ताड यांच्या खुनाची घटना घडली होती. यानंतर आता आणखी एका तरुणाची निर्घृण हत्येची घटना घडल्याने जत तालुक्यात भीतीचे वातावरण निर्माण झाले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
