Sambhajinagar Fraud Case: एक लाखात कोटींचा पाऊस; फसवणूक करणारा भोंदू ताब्यात, तरुणाला ३ लाखांचा गंडा

नवनीत तापडिया 

छत्रपती संभाजीनगर : एका लाखात एक कोटीचा पाऊस पडणार असल्याची थाप मारून एका भोंदूबाबांनी (Sambhajinagar) पूजेसाठी ठेवलेले ३ लाख रुपये घेऊन ९ मेस फरार झाला होता. या भामट्याला जळगाव (Jalgaon) जिल्ह्यातून पोलिसांनी अटक केली. दिलावर पिंजारी असे या भामट्याचे नाव आहे. (Tajya Batmya)

कन्नड तालुक्यातील शफियाबाद येथील बाबासाहेब मोकासे या तरुणाला जळगाव जिल्ह्यातील एका भोंदूबाबाने जाळ्यात अडकवले होते. एका लाखात एक कोटी रुपयांचा पाऊस पडणार असल्याचे सांगून त्याला पूजा (Fraud) करण्यास सांगितले. त्यानुसार त्याने स्वतःच्या घरात पूजा मांडून पूजेवर ३ लाख ११ हजार रुपये ठेवले. मात्र या भामट्याने चार तास पूजा करून मंत्र पठण केले.  

यानंतर नाशिक येथून पूजेसाठी वस्तू आणायच्या सांगून पूजेवर ठेवलेले ३ लाख ११ हजार रुपये घेऊन फरार झाला. या भामट्याने घरी पैशाचा पाऊस पाठवतो म्हणून सांगितले होते. मात्र बाबासाहेब घरी आल्यानंतर पैशांचा पाऊस काही पडला नाही. यात आपण फसवले गेल्याचे लक्षात येताच बाबासाहेब मोकासे याने पिशोर पोलिसात तक्रार दिली होती.