Sambhajinagar News : धावत्या रेल्वेसमोर दोन मित्रांची उडी; मध्‍यरात्रीची घटना

नवनीत तापडीया

छत्रपती संभाजीनगर : मजुरी काम करून उदरनिर्वाह करत असलेले दोघे मित्र रात्री उशिरापर्यंत (Sambhajinagar) सोबत राहिले. मात्र मध्‍यरात्रीनंतर दोघांनी सोबतच धावत्‍या रेल्‍वेसमोर (Railway) उडी मारत जीवनयात्रा संपविल्‍याची घटना समोर आली आहे. मुकुंदवाडी भागातील रेल्वे रुळावर आज सकाळी दोघांचे मृतदेह आढळले. (Tajya Batmya)

छत्रपती संभाजीनगरातील विशाल देविदास दाभाडे व अनिल दादाराव आव्हाड असे आत्‍महत्‍या केलेल्‍या दोन्‍ही मित्रांचे नाव आहे. विशाल व अनिल हे दोघेही मित्र मजूरी काम करत होते. रात्री बराच वेळ सोबत घालवला असल्याची माहिती काहींनी दिली. मात्र, त्यानंतर अचानक दोघांनी एकाचवेळी जीवनयात्रा संपवली. मात्र या मागे काय कारण असावे याबाबत (Police) पोलीसांचा तपास सुरु आहे. रात्रीतून हा प्रकार घडला.

आत्‍महत्‍येचे कारण अस्‍पष्‍ट

दोघांनी आत्महत्या का केली, हे मात्र अद्याप अस्पष्ट आहे. परंतु, दोन्‍ही नशेत असल्‍याचा प्राथमिक अंदाज आहे. या प्रकरणी शहरातील पुंडलिकनगर पोलीसात आकास्मात मृत्यूची नोंद करण्यात आली आहे. प्रथमदर्शनी ही आत्महत्या असल्‍याचा अंदाज आहे. याबाबत अधिक तपास सुरू असल्याचे पुंडलिकनगर पोलीस ठाण्याच्या निरीक्षक राजश्री आडे यांनी सांगितले.