Sambhajinagar News : संभाजीनगरच्या लेडी डॉनचा हवेत गोळीबार; सिटी चौक पोलिसांकडून अटक

छत्रपती संभाजीनगर : छत्रपती संभाजीनगरातील एका लेडी डॉनचा हवेत गोळीबार करतानाचा व्हिडिओ चांगलाच वायरल झाला होता. या व्हिडीओवरून पोलिसांनी कारवाई करत सदर तरुणीला ताब्यात घेतले आहे. तसेच तिच्याकडून कट्ट्यासह काडतूस जप्त केले आहेत. 

छत्रपती संभाजीनगर (Sambhajinagar News) परिसरात हा प्रकार उघडकीस आला आहे. हवेत गोळीबार करताना तरुणीने व्हिडीओ केला असून या व्हिडीओ सोशल मीडियावर चांगलाच व्हायरल झाला. ह्या व्हिडिओत एक २४ वर्षाची तरुणी सर्रासपणे गावठी कट्टा हातात घेऊन गोळीबार करताना दिसत आहे. या व्हिडिओबाबत सिटी चौक पोलिसांना (Police) माहिती मिळताच त्यावरून तरुणीचा शोध घेतला. यावेळी त्या तरुणीकडे एक गावठी कट्टा,एक जिवंत काडतूस, एक चाकू इत्यादी साहित्य मिळून आली. 

तरुणीवर यापूर्वीही दोन गुन्हे दाखल 

पोलिसांनी ताब्यात घेतलेल्या राखी गणेश मुरमुरे (वय २४) असे लेडी डॉनचे नाव आहे. तिच्याकडून सर्व साहित्य जप्त करण्यात आले असून या अगोदरही छत्रपती संभाजीनगर जिल्ह्यातील विविध पोलीस ठाण्यात तिच्याविरुद्ध दोन गुन्हे दाखल आहेत.