Sambhajinagar Crime : गाय अंगावर धावून आल्याने तरुणाला मारहाण; उपचारादरम्यान तरुणाचा मृत्यू

रामू ढाकणे 

छत्रपती संभाजीनगर : गायींना चरायला घेऊन जाताना गाय अंगावर धावून आली. याचा राग आल्याने गे चरणाऱ्या तरुणाला लाकडी दांड्याने मारहाण केली. यात जखमी झालेल्या तरुणाचा उपचारादरम्यान मृत्यू झाल्याची घटना  छत्रपती संभाजीनगर शहरालगतच्या एकलहेरा गावात घडली. 

संभाजीनगर (sambhajinagar) शहरालगत असलेल्या वाळूज एमआयडीसी पोलीस ठाणे हद्दीतील एकलहेरा या गावात हि धक्कादायक घटना घडली असून या ओंकार उत्तम जाधव (वय १९) याचा मृत्यू झाला आहे. ओंकार जाधव हा तरुण आपल्या गायीला पाणी पाजण्यासाठी शेतात घेऊन जात होता. त्यावेळी रस्त्यात उभ्या असलेल्या वीरू पवार याच्या अंगावर गाय धावून गेली. 

संशयिताला अटक 

गाय अंगावर धावली म्हणून चिडलेल्या तरुणाने गायीसह गाय चारणाऱ्या तरुणाला लाकडी दांड्याने मारहाण (Crime News) केली. या मारहाणीत गंभीर जखमी झालेल्या तरुणाचा उपचार सुरू असतांना त्याचा आज मृत्यू झाला. या प्रकरणी संशयित आरोपी विरू पवारला पोलिसांनी अटक केली असून पुढील तपास वाळूज एमआयडीसी (Police) पोलीस ठाण्याचे पोलीस उपनिरीक्षक पथरीकर करीत आहे.