Sambhajinagar Accident : टेम्पो- दुचाकीचा भीषण अपघात; दुचाकीस्वाराचा जागीच मृत्यू

रामू ढाकणे 

छत्रपती संभाजीनगर : भरधाव वेगाने आलेल्या टेम्पोने दुचाकीला मागून जोरदार धडक दिली. या अपघातात दुचाकीस्वाराचा जागीच मृत्यू झाल्याची घटना घडली. हा अपघात (Accident) वैजापूर तालुक्यातील लासुरगाव शिवारात घडला. 

नागपूर- मुंबई महामार्गावर वैजापूर तालुक्यातील लासूरगाव शिवारात हा अपघात घडला. महामार्गावरून (Sambhajinagar) एका भरधाव जाणाऱ्या टेम्पोने दुचाकीस्वारास जोरदार धडक दिली. या धडकेत दुचाकीस्वार हा जागीच ठार झाला. (Nagpur) नागपूर मुंबई राष्ट्रीय महामार्गाजवळ लासुर गावातील निसार उर्फ बबलू करीम कुरेशी हे आपल्या दुचाकीने लासुर गावात जात होते. त्यावेळी मागून येणाऱ्या भरधाव टेम्पोने त्यांच्या दुचाकीला जोराची धडक दिली आणि या धडकेत दुचाकीवर असलेल्या निसारचा जागीच मृत्यू झाला.

पोलिसांकडून पंचनामा 

दरम्यान सदर अपघाताची माहिती मिळताच वैजापूर पोलीस तातडीने घटनास्थळी दाखल झाले. घटनेचा पंचनामा करत अपघातातील मृतास पुढील तपासणीसाठी लासुर स्टेशन येथील प्राथमिक रुग्णालयात दाखल करण्यात आले आहे.