Sambhajinagar Accident : लग्न सोहळ्याहून परत येताना आई-मुलावर काळाचा घाला; टेम्पोची दुचाकीला धडक

रामू ढाकणे 

छत्रपती संभाजीनगर : पैठण- छत्रपती संभाजीनगर मार्गावर कांदे घेऊन जाणाऱ्या टेम्पोचा आणि एका दुचाकीचा भीषण (Accident) अपघात झाला. या अपघातात आई आणि मुलाचा जागीच मृत्यू झाल्याची घटना घडली. हे दोघेही लग्न सोहळ्यातून घरी परताना अपघात झाला.

मुमताज शेख व समीर शेख असे मृत आई व मुलाचे नाव आहे. समीर हा आपल्या आईसोबत दुचाकीने शेवगाव येथे नातेवाईकाच्या लग्नाला (Marriage) गेला होता. लग्न सोहळा आटोपल्यानंतर ते घरी येण्यासाठी निघाले होते. घरी पोहचण्यापूर्वी पैठणकडे (Paithan) जाणाऱ्या कांद्याने भरलेल्या टेम्पोने त्यांच्या दुचाकीला जोरदार धडक दिली. हा अपघात इतका भीषण होता की दुचाकीला धडक बसल्यानंतर दोघेही दूरवर फेकले गेले. यात मायलेकांचा जागीच मृत्यू (Death) झाला. 

रस्त्याच्या कामामुळे रोजच अपघात 

दरम्यान पैठण- छत्रपती संभाजीनगर (Sambhajinagar) रस्त्याचे काम सुरू असल्यामुळे सद्या फक्त एका बाजूनेच वाहतूक सुरू आहे. यामुळे रहदारीला अडचणीचे ठरत असून या मार्गावर रोज छोटे- मोठे अपघात होत असल्याच्या घटना देखील समोर आल्या आहेत.