Sambhaji Bhide: आमदार खासदारच लोकशाहीला कलंक; संभाजी भिडे यांचे वादग्रस्त विधान

सांगली - गेली नऊ दिवस सुरू असणाऱ्या शिवप्रतिष्ठानच्या दुर्गामाता दौडीची सांगता झाली. नवरात्रच्या काळात दुर्गामाता दौडीच आयोजन करण्यात येते. हजारो धारकरी दौडीत सहभागी झाले होते. यावेळी संभाजी भिडे (Sambhaji Bhide) यांनी आमदार, खासदार आणि लोक प्रतिनिधी हे लोकशाहीला कलंक असल्याची जहरी टीका केली आहे. (Maharashtra News)

शिवप्रतिष्ठानचे प्रमुख संभाजी भिडे यांच्या मार्गदर्शना खाली गेली 35 वर्ष दुर्गामाता दौडीच आयोजन केले जाते. यावेळी सांगली शहर पोलिसांचा कडेकोट बंदोबस्त ठेवण्यात आला होता. कोरोनामुळे गेली दोन वर्षे रद्द झालेल्या शिवप्रतिष्ठानच्या दुर्गामाता दौडीला यंदा उत्साही वातावरणात सुरवात झाली. सांगलीत नवरात्रीमधे घटस्थापने पासून ते दसरा पर्यंत दुर्गामाता दौड सांगलीतील भागाभागातून धर्म जागृती करत काढली जाते. नऊ दिवस दुर्गामाता दौड सुरू होती असून दसऱ्यादिवशी आज दौडीचे सांगता करण्यात आली.

आपल्या मातृभूमी साठी जगणारी माणसं पाहिजेत पण तेथेच बोंब आहे. आपले आमदार खासदार यांना लोक निवडून देतात पण यांना शरम वाटत नाही भाडोत्री, बेकार, कलंक आहेत हे लोकशाहीला आणि परंपरेला अशी टीका संभाजी भिडे यांनी केली आहे.

Edited By - Shivani Tichkule