Maratha Samaj Rasta Roko Andolan : एक मराठा लाख मराठा... वैजापूर कन्नड मार्गावर रास्ता राेकाे, वाहतुक विस्कळीत

- रामू ढाकणे

Chhatrapati Sambhajinagar News :

एक मराठा लाख मराठा या घोषणा देत आज (बुधवार) छत्रपती संभाजीनगर जिल्ह्यातील वैजापूर कन्नड मार्गावर मराठा समाज बांधवांकडून रास्ता रोको आंदाेलन (rasta roko at vaijapur kannad road) करण्यात आले. या आंदाेलनामुळे वैजापूर कन्नड मार्गावरील वाहतुक विस्कळीत झाली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सरकारने काढलेल्या अधिसूचनेच कायद्यात रूपांतर करावं यासाठी मनोज जरांगे पाटील (manoj jarange patil) हे पुन्हा एकदा बेमुदत उपोषणाला बसले आहेत. जरांगे पाटील यांच्या आंदाेलनाचा आजचा पाचवा दिवस आहे. त्यांनी पाणी अन्न आणि वैद्यकीय उपचार घेण्यास नकार दिलेला आहे. सोबतच मराठा समाज बांधवांकडून आज महाराष्ट्र बंदची हाक देण्यात आली.

छत्रपती संभाजीनगर जिल्ह्यातील वैजापूर कन्नड मार्गावर औरळा फाट्यावर आज (बुधवार) सकल मराठा समाज बांधवांकडून रास्ता रोको करण्यात आला. या परिसरातील नागरिकांनी या रास्ता रोको मध्ये सहभागी घेतला. (Maharashtra News)

आंदाेलकांनी एक मराठा लाख मराठाच्या घोषणा देत परिसर दणाणून सोडला. यावेळी काही काळ या मार्गावरील वाहतूक ठप्प झाली होती.

Edited By : Siddharth Latkar